Bert en Adri

Op 21 mei 2014 bestaat de Algemene Oranje Vereniging uit Varsseveld 50 jaar. Ter gelegenheid hiervan organiseert de vereniging op zaterdagavond 24 mei een spetterende feestavond voor al haar leden. In de aanloop hier naar toe vindt u wekelijks in de krant een artikel waarin een, voor velen van u, bekende verschijning zijn/haar herinneringen en ervaringen met het AOV met u deelt.

Deze week: Stichting ?t Platituut, van Bert Scheuter en Adri Wieberdink

?Stichting ?t Platituut is in ?t laeven eroe:pen um ?t gebruuk van cliche?s en ?t vermeerdern daorvan in stand te hollen. Jaoren geleden wiern wi-j deur de optochtcommissie uuteneudigd um de optocht op te leuken. Wi-j wiern an-esprokken deur Herman van de Paus (den ok könning was) um zelf iets te bedenken. Zoas gewoonlek ginge wi-j in de veurbereiding. ?t Wier ?n helen klus. Toentertied was ter völle te doene aover veiligheid in ?t algemeen. Dus wi-j gingen de optocht veuruut met witte päkke an en ?n invalidepolitiewagen. Ewaopend met bessems , mathäöke en hamers en sikkels, putdekkels,PGEM-huuskes, dakgötte, schuurkes, fietsenstallingen,buutenkökkens en zo wat heer,  wiern met metwarking van de dorpsgenoten gecontroleerd en zoneudig verzegeld. Wi-j liepen wel ?s weg bi-j ons voertuug en vonden op ‘n kere ?n scharpe bom veur den auto. Eerst viel ?t nog niet zo op, want ?t projectiel was goed gecamoufleerd eplaatst. Ut was namelek verstopt in ?n zeeppojjerdoze met ?t opschrift ‘BOM’. Nao veurzichtige opening van de doze vonne wi-j vier knalpötte van Grolsch. De schrik was veurbi-j en de schik kon beginnen.

Zoas ?n ander joor was ?t  ?n hype um alles met ?n verborgen camera te registreern. Zo ok wi-j. Moor wi-j hadden ?t niet goed begreppen en monteern pontificaal ?n camera op ?n,  zo onopvallend meugelek, in plastic verpakten, auto. Gin mense had iets in de gaten en de mensen langs de straote stonnen ongegeneerd te krabben op plaatsen woor ze gin jökke hadden of eur aodemhalingsorgaan leug te vingern. Weer ?n ander joor had de commissie bedacht dat ?t wel us goed was dat ter commentaar en uutleg neudig was bi-j de grote bloemenwagens tiedens en veurafgaond an de optocht. Dus wi-j op de fietse de bouwplaatsen af um ons te laoten informeern aover ?t aantal bloemen op de wagens, ?t gewicht, en de maonden en wekken die ter in waarn estokken. ?t Veurplezier dat ?t gaf en de koffie en biertjes die?t ekost had. De optochtjongens vonn dat wi-j met ons commentaar de snelheid van de stoet der uuthielen en wi-j wiern van onzen taak ontheven. Met volle plezier en schik he?w ?t edaon en misschien wo?w nog wel weer evraogd um ?t optochtgebeuren te versnellen of te vertragen.?
Redactie: Ria Tuenter